Дибала жароҳат олди

Туриннинг "Ювентус" клуби форварди Пауло Дибала жароҳат олди. Бу ҳақда италиялик машҳур журналист Жанлуки Ди Марцио хабар тарқатмоқда.

Юқоридаги манбаага кўра 25 ёшли аргентиналик футболчи А Сериянинг 29-тури доирасида “Эмполи”га (1:0) қарши баҳс олдидан ўтказилган жигалёзди машғулотларида мушакларидан жароҳат олган. Бироқ, кейинчалик маълум бўлдики, унинг жароҳати жиддий эмас.

У катта эҳтимол билан эртага чемпионатнинг 30-туридан ўрин олган “Кальяри”га қарши сафар баҳсида туринликларга ёрдам бера олмайди. Аммо, ҳафта сўнггида “Милан”га қарши ўйинда иштирок этиши мумкин.

Маълумот учун, Дибала жорий мавсум “Ювентус” сафида жами 36та ўйинда майдонга тушиб, ўз ҳисобига 9та гол ҳамда 6та голли узатма ёздириб қўйишга эришди.