Дибала ПСЖга ўтишга жуда яқин турибди
ПСЖ клуби "Ювентус" форварди Пауло Дибалани ўз сафига қўшиб олишга яқин турибди. Бу ҳақда La Gazzetta dello Sport нашри хабар тарқатмоқда.
Юқоридаги манбаага кўра Франция чемпиони аргентиналик футболчининг агенти билан музокаралар ўтказган. Унга кўра парижликлар Дибалага 5 йил ичида 60 млн евро маош тўлашга тайёр.
Эслатиб ўтамиз, бундан аввалроқ Дибалага "Тоттенхэм" ва "Манчестер Юнайтед" клублари жиддий қизиқиш билдирган эди. Бироқ, якунда АПЛ клублари уни сотиб олишолмади.
Маълумот учун, Дибала “Ювентус” сафида 2015 йилдан буён тўп суриб келмоқда. У ўтган давр мобайнида Италия чемпиони сафида жами 182та ўйинда майдонга тушди ва 78та гол ҳамда 30та голли узатма ёздириб қўйишга эришди. Унинг туринликлар билан амалдаги шартномаси эса 2022 йилга қадар имзоланган.
Фикрлар