Дибала: "Қачондир Погба билан яна бирга гол нишонлашга умид қиламан"

"Ювентус" ҳужумчиси Пауло Дибала "Манчестер Юнайтед" хавбеки Поль Погба билан ўйнаган даврларини эслаб ўтди.

"Поль билан муносабатимиз жуда яхши. "Ювентус"да у билан гол нишонлашни турли услубларини ўйлаб топишга ҳаракат қилар эдик.

Бахтимизга кўп гол урар эдик ва тез-тез гол нишонлаш услубимизни ўзгартириб турар эдик. Қачондир яна Погба билан бирга гол нишонлашимизга умид қиламан", - дейди Дибала.

Эслатиб ўтамиз, аргентиналик футболчи Погба билан бирга 2015-2016 йилги мавсумда "Ювентус"да тўп сурган.