Дидье Дешам Франциядаги келажаги ҳақида гапирди

Финалда мағлуб бўлган Франция чемпионликни ҳимоя қила олмади. Ушбу чемпионатдан кейин Дидье Дешам Франциядан кетиши мумкинлиги ҳақида хабарлар тарқалганди. Мураббийнинг ўзи бу миш-мишларга қуйидагича изоҳ берди:

“Агар бугун ғалаба қозонганимизда ҳам, бу саволга жавоб бермаган бўлардим. Келаси йилнинг бошида президент билан учрашаман. Кейин нима бўлишини билиб оласиз”, - деди 54 ёшли мутахассис.

“Жамоа қийин ҳолатга дуч келди. Бу жамоага жисмонан ва психолалик таъсир қилгандир. Аммо мен майдонга туширган футболчилар 100 фоиз тайёр эди. Бизда дам олиш учун атиги 4 кун бор эди”, - дея қўшимча қилди Дешам.

Айни дамда мураббийнинг жамао билан амалдаги шартномаси ўз якунига етган.