Диего Коста: "2014 йилги финал фаолиятимдаги энг оғир палла бўлган"

"Атлетико Мадрид" собиқ ҳужумчиси Диего Коста ўз фаолиятидаги энг ёмон он қайси эканини айтиб ўтди.

"Ўша финал — фаолиятимдаги энг ёмон палла. Ҳаммаси қандай кечгани сабабли айниқса оғир бўлган. Лекин бундай мағлубиятлардан ҳам ижобий жиҳат топиш керак. Биз Чемпионлар лигаси финалигача етиб бордик. Замонавий “Атлетико”нинг муваффақиятли тарихи айнан ўша даврдан бошланган", — деди Коста Марио Суаресга берган интервьюсида.

Испания терма жамоасида ўйнаган, бразилиялик келиб чиқишга эга форвард 2014 йилги Чемпионлар лигаси финалини алоҳида таъкидлади. Ўша ҳал қилувчи баҳсда "матрасчилар" Мадриднинг "Реал" жамоасига 1:4 ҳисобида мағлуб бўлган эди. "Атлетико" 93-дақиқагача 1:0 ҳисобида олдинда бораётган, аммо устунликни сақлаб қола олмаган ва қўшимча вақтда яна учта гол ўтказиб юборган.