Диего Симеоне "Барселона"дан учралган мағлубиятдан сўнг: "Кўпроғига лойиқ эдик"

"Атлетико" бош мураббийи Диего Симеоне Ла Лига 16-туридан ўрин олган "Барселона"га қарши беллашувдаги мағлубият ҳақида фикр билдирди.

"Ҳақиқат шуки, биз мағлуб бўлдик. Ҳа, кўпроғига лойиқ эдик, аммо етарлича тажовузкорлик кўрсата олмадик. Рақиб ва ўз жарима майдонида яхши ҳаракат қилиш баҳс тақдирига катта таъсир ўтказди. 

Муваффақиятсиз кечган дастлабки 20 дақиқаликдан сўнг жамоам мен истагандек ўйнади, аммо бу натижани ўзгартиришга камлик қилди",-деди Симеоне "Marca" нашрига.

Эслатиб ўтамиз, учрашув тақдирини каталонияликлар вингери Усмон Дембеленинг 22-дақиқада киритган голи ҳал этиб берди.