Диего Симеоне: "Жамоани янги ўйинчилар билан кучайтиришни истайман"

"Атлетико Мадрид" бош мураббийи Диего Симеоне клубдаги келажаги ҳақида гапирди.

"Ҳозирги ҳолатимни биламан ва кейинги мавсумга тўлиқ тайёр бўлишни истайман. Давом этаман. Жамоани янги ўйинчилар билан кучайтиришни истардим. Натижа мураббийларга эмас, балки ўйинчиларга кўпроқ боғлиқ. Биз бу мавсумни муносиб якунлашни ният қилганмиз", - дея аргентиналик мутахассиснинг сўзларини келтирди "DAZN".

Симеоне 2011 йил декабридан бери Мадрид клубининг бош мураббийи бўлиб ишлаб келмоқда. Томонлар ўртасидаги шартнома 2027 йил июнь ойининг охиригача амал қилади.