"Динамо" Ботирали Эргашевни Суперлига клубига ижарага берди

«Динамо» клуби дарвозабони Ботирали Эргашев 2020 йилги мавсумни Суперлигада ўтказадиган бўлди. Бу ҳақда клуб матбуот хизмати хабар берди.

Ўтган мавсумнинг иккинчи даврасидан олдин Самарқанд жамоаси билан икки йиллик шартнома имзолаган Ботирали Эргашевга янги мавсум олдидан бир қатор клублардан таклиф тушди, музокаралардан кейин посбон «Динамо» клуби томонидан 1 йиллик ижара асосида «Қўқон-1912» жамоасига берилди. Осиё чемпиони саналмиш 24 ёшли дарвозабоннинг трансфер ҳуқуқи «Динамо» клубида қолади.

Маълумот учун, Ботирали Эргашев 2019 йилги мавсумда «Динамо» сафида 22 ўйинда майдонга тушган бўлиб, Суперлиганинг ўтган мавсумида энг кўп – 55 марта сейв амалга оширган дарвозабон бўлди.