"Динамо" Жаҳонгир Ўрозовни ижарага олди

Суперлига 2-давраси олдидан ёзги трансфер ойнасида "Динамо" жамоаси ўз сафини кучайтиришни давом эттирмоқда.

"Динамо" ПФК Туркиянинг "Эюпспор" клубидан 20 ёшли марказий ҳимоячи Жаҳонгир Ўрозовни мавсум якунига қадар ижарага олганини маълум қилади.

Жаҳонгир Ўрозов 2023 йилда Ўзбекистон U20 жамоаси сафида Осиё чемпионига айланиб, Туркия чемпионатига йўл олганди. Унинг клуби жорий мавсум Туркия биринчи лигаси ғолиби сифатида Туркия Суперлигасига йўлланма олди. Турк клуби ҳимоячини ярим мавсумга ижарага берди.

"Динамо" матбуот хизмати.