"Динамо" украиналик ҳимоячи билан шартнома имзолади

Олександр Кучеренко – "Динамо" футболчиси.

Суперлига-2025 мавсуми олдидан таркибини кучайтираётган "Динамо" жамоаси навбатдаги футболчи билан шартнома имзолаганини маълум қилди.

Украиналик легионер Олександр Кучеренко "Динамо" жамоаси билан бир йиллик шартнома имзолади. Тажрибали марказий ҳимоячи якунланган мавсумнинг иккинчи даврасини Бекободнинг "Металлург" клуби сафида ўтказиб, Суперлигада 13 ўйинда битта голга муаллифлик қилганди. У Самарқанд жамоаси сафига эркин агент сифатида қўшилмоқда.

Кучеренко фаолияти давомида Украинанинг "Верес", "Ингулец", "Волин", Молдованинг "Нистру" ва "Верис" клубларида ҳам ҳаракат қилиб, Украина Премьер-лигаси, Молдова Суперлигаси ва Европа лигасида ҳам ўйинлар ўтказган.