"Dinamo"dan transfer taqiqi olib tashlandi

  • 22 iyun, 2024, 13:37
  • Oybek Yo’ldoshev
  • 0
  • Futbol
TIGGO 2 PRO

Samarqandning "Dinamo" jamoasidan transfer taqiqi olib tashlandi. Bu haqda O‘zPFL matbuot xizmati xabar berdi.

Joriy yilning 25 mart kuni FIFA Nizolarni hal qilish palatasi "Dinamo" futbol klubi va futbolchi Anton Tolordava o‘rtasidagi nizoli vaziyat yuzasidan qaror chiqargan edi. 

Unda qayd etilishicha, futbolchi va klub o‘rtasidagi moliyaviy nizoli holat 45 kun muddat ichida to‘liq bartaraf etilishi lozim. Agar mazkur masala ko‘rsatilgan vaqt ichida echim topmasa, FIFA klubga nisbatan transfer taqiqi belgilashi ma’lum qilingan. Keyinroq "Dinamo" belgilangan muddatda ishni yopmagani uchun FIFA may oyida klubga nisbatan transfer taqiqi belgiladi. 

"Dinamo" kuni kecha sobiq futbolchisi bilan to‘liq hisob-kitob qildi va klubdan transfer taqiqi olib tashlandi.

Fikrlar

Sort comment:
Fikr qoldirish uchun avtorizatsiyadan o'ting!