"Динамо"га янги дарвозабон таклиф этилди

Сергей Лушчан “Динамо” клубига бош мураббий этиб тайинлангач, таркибни кучайтиришга киришиб кетди. Асосий мақсад жамоани Суперлигага қайтариш эканлигини яхши тушуниб турган мураббий, таркибни шунга яраша фойдаси тегадиган ижрочилар билан тўлдиришга ҳаракат қилмоқда.

Бунгача самарқандликлар сафига “Хўжанд”дан Андрей Сидоров, “Навбаҳор”дан Обид Жўрабоев, “Бунёдкор”дан Фарҳод Намозов сингари футболчилар қўшилди.

Булардан ташқари, “Динамо”га “Оқ-тепа”дан дарвозабон Эркин Жабборов ҳам таклиф этилган ва ҳозирда жамоа машғулотларида иштирок этяпти. У илгари элитада бир қатор клубларда фаолият олиб борганини мухлислар яхши билса керак. Катта эҳтимол билан Жабборовнинг “Динамо” таркибида тўп суриши кутилмоқда.