"Динамо"ни пешқадамга айлантирган ўйиндан кейин Ҳаким Фузайлов қандай фикр билдирди?

Про лиганинг 14-туридан ўрин олган "Шўртан" - "Динамо" (0:1) учрашувидан кейин самарқандликлар устози Ҳаким Фузайлов фикрлари билан ўртоқлашди.

 “Олдин ҳам, ҳозир ҳам айтаман: бу йил про-лигада кучсиз жамоа йўқ. Оддий ўйинлар бўлмаяпти. Бундай иссиқ ҳаво ва орадаги катта танаффусдан сўнг ўйин қийин кечиши олдиндан маълум эди. Боиси, футболчиларда ўйин амалиёти йўқ. Ўйиндан-ўйинга ҳаммасини яхшилаб боришга ҳаракат қиламиз.

"Шўртан" бош мураббийи Асрор Алиқуловни жуда яхши биламан. Футболчилик пайтида ажойиб ўйинлар ўтказган. У ёшлар билан аъло даражада ишламоқда. Рақиб сафидаги ёш футболчилар "Шўртан"нинг келажаги ҳисобланади.

Тимур Ҳакимовни бундай иссиқ ҳавода илк дақиқалардан майдонга тушириш хато бўларди. У исталган пайтда ўйинни кучайтара оларди. Тимурга шундай вазифа берилганди”, - дейди Ҳаким Қаюмович.

"Динамо" матбуот хизмати.