"Динамо"нинг дастлабки йиғини якунига етди

Суперлига янги мавсумига тайёргарликни биринчилардан бўлиб бошлаган "Динамо" жамоаси Самарқанддаги икки ҳафталик ўқув-машғулот йиғинини якунлади.

Вадим Абрамов қўл остида 4 декабрдан бошланган машғулотларда мураббийлар штаби таркибдаги ўйинчиларнинг жисмоний ҳолатини тиклаш билан бирга маҳаллий жамоаларга қарши назорат ўйинларида бир қатор ёш ўйинчиларни синовдан ўтказишди.

Тайёргарлик режасига кўра, "Динамо" иккинчи йиғинни Тошкентда ўтказади. Пойтахтдаги машғулотлар 20-28 декабрь кунлари ўтказилади. Унда бир қатор назорат ўйинлари ўтказилиши белгиланган.

Янги йил байрамидан кейин "Динамо" Тошкентдаги йиғинни давом эттириши, таркибга янги ўйинчилар қўшилиши режалаштирилган. Январь ойида хорижда ўқув-машғулот йиғини ташкиллаштириш ҳам белгиланган. Бу борада батафсил маълумот берилади.