"Динамо"нинг янги бош мураббийи Самарқандга қачон келишини айтди

Яқинда “Динамо” клубини сербиялик мутахассис Предраг Роган бошқариши ҳақида маълумот бергандик. Қолаверса, ҳозирда агентлик билан шуғулланаётган “Пахтакор”нинг сербиялик собиқ футболчиси Боян Миладинович ҳам “Динамо”га айнан Роган бош мураббийлик қилиши ҳақида Sports.uz сайтига берган интервьюсида таъкидлаганди.

Тўғри, ҳозирча “Динамо” клуби бу хабарни тасдиқлагани йўқ. Катта эҳтимол билан бир неча кундан кейин самарқандликлар бош мураббийни эълон қилишади.

Sports.uz мухбири эса вазиятга янада ойдинлик киритиш мақсадида Предраг Роган билан алоқага чиқди. Мутахассиснинг сайтимизга маълум қилишича, сешанба куни (4 январь) Самарқандга келишини айтди.

Олдинроқ “Динамо” жамоасининг айнан 4 январь куни тўпланиши ҳақида эшитгандик. Демак, Роган шу кундан бошлаб янги жамоаси билан ишга киришади.