Диёр Имомхўжаев: "Муҳими – авария ҳолатида ҳам позитивликни сақлаб қола олиш"

Ўзбекистон аёллар терма жамоаси АҚШ термасига қарши ўртоқлик учрашувида майдонга тушиб, йирик 1:9 ҳисобида мағлуб бўлди. ЎзПФЛ бош директори Диёр Имомхўжаев мазкур баҳс ҳақида фикр билдирди.

"АҚШ аёллар термасига қарши майдонга тушиш осон иш эмас. АҚШ аёллар футболи етакчиси. АҚШ кетма-кет икки учрашув учун рози бўлмайди одатда.

Қизларимиз 1:9 ҳисобида мағлуб бўлишди ва бу нормал ҳолат. Азиза Норбоева голини америкаликларнинг исталган футболчисидан чиройлироқ нишонлаб, стадионга йиғилганлар олқишига сазовор бўлди. Муҳими — авария ҳолатида ҳам позитивликни сақлаб қола олиш. Бу борада қизлар футболидан ўрнак олса арзийди.

АҚШ билан ўртоқлик ўйинига клубларимиз раҳбарларини ҳам олиб кетиш яхши эди. Улар океан ортида аёлларга яратилган шароитларни ўз кўзлари билан кўришлари, ҳеч бўлмаса хулоса чиаришлари, ортга қайтганда виждонларини озроқ қийнаб олишлари яхши бўларди", - дея ёзиб қолдирди Имомхўжаев.