Диёр Имомхўжаев: "Агент - ўртага даллолга ўхшаб кирадиган ва йўқ жойдан пул қиладиган одам"
Sports.uz томонидан йўлга қўйилган янги "Аномал футбол" номли подкастимизнинг бу сонги меҳмонлари ЎзПФЛ бош директори Диёр Имомхўжаев ва футболчилар уюшмаиси раҳбари Камолиддин Мурзоевлар бўлди. Суҳбат жараёноида Имомхўжаев агентлар борасида ўз фикрларини билдириб ўтди.
"Агент - ўртага даллолга ўхшаб кирадиган ва йўқ жойдан пул қиладиган одам. Мен уларни керакмас, демайман. Барибир кўп футболчимизни катта клубларга ўтишида агентлар катта роль ўйнайди, лекин биз уларни футболчиларнинг хўжайини бўлиб олмаслигига ҳаракат қиламиз. Шунақалари бор, футболчига клубдан ташқари ўзи инвестиция киритади. Қонун-қоида, регламент билан ишлайдиганлариям бор. "Тўпа" футболни тушуниб олиб, футболчиларни ойлигига шерик бўлиб олаётган "боқиманда" агентлар ҳам борда. Энг ёмон таъсири шундай бўлиши мумкин: Сизга "Манчестер Юнайтед"дан 5 миллион маошга таклиф бор ва айтайлик Мўғулистондан таклиф чиқяпти 50 миллион ойликка. Бу ерда футболчи агент айтган жойга кетади. У эса қайси жойни танлаши аниқ".
Подкастда шу ва бошқа мазулар ҳам кўтарилган. Ушбу видеони You Tube саҳифамизда томоша қилишингиз мумкин.
Фикрлар