Диёр Имомхўжаев АГМКнинг ғалабаси ҳақида гапирди

ЎзПФЛ директори вазифасини бажарувчи Диёр Имомхўжаев ўз "Телеграм" саҳифасида АГМКнинг тарихий ғалабасига атаб пост қолдирди:

"Ва ниҳоят, клубимиз Чемпионлар Лигасида зафар қучди. АГМК ҳар учала ўйинда сўнгги сонияларга қадар курашди ва охири мақсадга эришди.

Жалолиддин Машарипов, Азиз Ғаниев, Одил Ҳамробеков каби йигитларимиз тўп сураётган "Шабаб Ал-Аҳли" клубини бизга жуда яхши таниш бўлган мутахассис Маҳдий Али бошқариб боради. Ёдингизда бўлса, 2012 йилда у бошчилик қилган Амирлик олимпиячилари "Жар" стадионида мўжиза кўрсатиб, Вадим Абрамов бошқарувидаги олимпиячиларимизга қарши ўйинда 0:2 ҳисобини 3:2 га айлантирган ва якунда Лондонга чипта ютиб олишганди.

Орадан 9 йил ўтиб, Ўзбекистон клуби шунга ўхшаш камбэк билан жавоб бермоқда", - деди Диёр Имомхўжаев. 

Матнда хатолик топсангиз, ўша хатони белгилаб, бизга жўнатинг (Ctrl + Enter)