Диёр Имомхўжаев: Айни вақтда ПФЛни ўйлантираётган фақат бир жиҳат бор

ПФЛ бош директорнинг спорт ишлари бўйича ўринбоса Диёр Имомхўжаев телеграмдаги ўзининг саҳифасида янги мавсум тақвими муҳокамада эканлигини билдибди.

- ПФЛ Суперлиганинг 2020 йилги тақвимини ишлаб чиққанди. Кеча — 27 декабрь куни ЎФА раҳбарияти ҳамда Терма жамоалар бўлими вакиллари иштирокида тақвим масаласида учрашув бўлиб ўтди.

Тақвим масаласидаги учрашувнинг энг ёқимли томони — ундаги тортишувлардир. Қарама-қаршилик соғлом руҳда ўтди, Азиз Ҳайдаров ва Вадим Абрамов ўз позициясини ҳимоя қилди, ПФЛ эса ўзиникини. ЎФА раҳбарияти бунда бир тараф бўлмади, икки томон асосларини эшитди. Фикрлар қарама-қаршилиги билан кечган учрашув якунида бир тўхтамга келинди. Бироқ бу ҳали ҳаммаси эмас. ПФЛ эндиликда Чемпионлар лигасида иштирок этадиган клублар мураббийлари билан стол атрофига ўтиради ва тақвимни ҳимоя қилади. Мақсад — 2020 йилги мавсум давомида тур учрашувларида ўзгаришлар бўлишига йўл қўймаслик.

Айни вақтда ПФЛни ўйлантираётган фақат бир жиҳат бор. Бу ҳақда Таиландда ўтадиган Осиё чемпионати U-23’дан кейин тўхталамиз, - деди Диёр Имомхўжаев.