Диёр Имомхўжаев: Биз бугун қўшниларимиз учун хурсандмиз, аммо...

ЎзПФЛ директори вазифасини бажарувчи Диёр Имомхўжаев ОЧЛ 4-тури доирасида бўлиб ўтган "Истиқлол" - "Ал-Ҳилол" (4:1) баҳси ҳақида ўз фикрларини билдириб ўтди:

"Биз бугун қўшниларимиз учун хурсандмиз. Душанбенинг "Истиқлол" клуби Чемпионлар Лигасидаги дебют мавсумида ажойиб юришни амалга оширяпти.

Очиғи, бу унчалик ажаблантираётгани йўқ. Чунки, "Истиқлол" бунга босқичма-босқич етиб келди. Икки йил аввал, Тошкентда "Локомотив"нинг яхши шаклланган таркибини бежизга мағлуб этмаганди, бекорга АГМК дарвозасига ўша куни 3 та гол урмади ва албатта, ОФК кубогида сўнгги 5 йил ичида бекорга икки марта финалда тўп сурмади.

Чунки, "Истиқлол" Тожикистон миллий термаси базаси сифатида шакллантирилган. Мамлакат президентининг ўғли, бугунги кунда Тожикистон ФА президенти Рустами Эмомали "Истиқлол"ни янги босқичга олиб чиқди, дейиш мумкин. Ва бу 2002 йиллардаги "Пахтакор"ни жуда ёдга солиб юборади. Ёдингизда бўлса, "Пахтакор" ҳам Чемпионлар Лигасидаги илк юришида ярим финалга қадар етиб борган, бутун Осиё унинг ўйинлари ҳақида бонг урган.

Аммо "Пахтакор"нинг терма ўзаги сифатида шакллантирилиши бизнинг футболда оламшумул бурилиш ясамади. Битта яхши авлод етишиб чиққанини айтмаса, биз на мундиалга чиқдик ва на Осиёни забт этдик. Қайтага миллий чемпионат узоқ йиллар давомида чалажон кўринишга келди, "Пахтакор" рақобатдан ҳоли жамоага айланиб қолди.

Тожикистон футболига ҳам бу жиҳат хавф солиши мумкин. Биз бугун қўшнилар қувончига шерикмиз, албатта. Ва уларга биз йўл қўйган хатолардан хулоса қилишларини, иложи борича уларни четлаб ўтишга интилишларини тилаймиз. Бугунги "Истиқлол"нинг деярли Тожикистон миллий термаси экани мана шундай хулосамизга сабаб. Ҳозирча эса уларга фантастик ғалаба муборак бўлсин деймиз", - деб ёзди Имомхўжаев ўз "Телеграм" саҳифасига. 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
TV TV
25/04/2021 08:18
Узбек футболи тугаган Диёрбек. Хаммаларинг биргаликда хаммаларинг улдирдинглар.
Akbarali Abdunazarov
25/04/2021 05:35
Шу судьялар кенгашига Константин Смирновга ухшаганларни бошлик килиб куйиш керак!
Akbarali Abdunazarov
25/04/2021 05:33
Нега Очлда Пахтакор уйиндан ташкари холатда гол урмайди. Яна Тошкент жамоалари Пахтакорга ердам беради! Агмк Пахтакор 0-6 бу йил 0-3 нега! АГМК бошка жамоалар билан яхши уйнайдику! Шу Бунедкор,Насаф ва Навбахор охиригача украшали, колганлар жиммммммммм!
Akbarali Abdunazarov
25/04/2021 05:28
Шу судьяларни йигиб бир телевизордан очик мулокот килинглар бир савол жавоб килайлик, катта катта вазирлар савол жавоб килаяпти булар ким булибди!
Akbarali Abdunazarov
25/04/2021 05:25
Эй Диер Сиз хурматга сазовор булган Ахбор акани набирасисиз, Варни расво килдиларинг 10 минутлаб тухтатиб яна контакт бор деб безраяди хаммаси, овма халк тушунмайди деб уйлайсизларми, Насаф Пахтакор учрашувидаку пенальти белгиланган вазиятда уйинчи майдоннинг каерида йикилди деб куриб хам утирмади.Бундан ривожланиш буладими нима керак бунча Варга пул беришни. Хакамлар булмаса контакт булмаган волейбол, теннис, шахмат, шашкага судьялик килсин!
umar musoev
28/04/2021 08:11
Istiqlol khoxlagan kamandalarin blan oynaydi
Nasaf.bunyodkor.paxtakor.AGMK.
Luboyi blan oynaydi
&
Shaymardonov Nurbek Nasimovich
25/04/2021 09:39
Istiqlol Nasafka uhshagan. kamandalarimizga qarshi. uynatish ketak. AGMK kimga qanday bilmadim lekin aniq uyin uslubini kurmaganman shu kamandani. har safar sentrdan uzoqdan tupni oshiradi. gol bulsa gol. bulmasa yana shu urunish. Pahtakor lekin maydon buylap harakat qiladi. Taktikasi ham bor. lekin Himoyasi tezkor uyinga bardosh berolmaydi. lekin usha kuni. Erkinov va Holmatov. ikkalasi. zur uynadi hujimga ham himoyaga ham qushilib zur orqaga qaytarkan. Sardor Aziz bu davri utkan.
&
Турсун Ғани
26/04/2021 00:11
Диёрнинг гапларида жон бор. Пахтакор 2002йилги қилган ишини Истиқлол ҳозир қилаётган бўлса Тожкистон чемпионати ҳам 5-10 йил камига ўлик чемпионатга айланиб қолади 1 гегимон етакчи бор, бу қиззиқ бўлмайди кузатишни чемпионати муҳлслари учун. Мен тўғриси Пахтакор-Қурувчи-Бунёдкор чемпионатимизни 2008- 2009-2010-2011... йилги мавсумларини соғиндим. Қандай рақобат вужудга келган эди. Тошкентда ДРБЕ даҳшат бўларди МҲСК ва Паҳтакор стадионларида. Мен ҳар бир турга стадионларга тушуб баҳсларни кўрардим Одил, Сервер, Вилланува, Эдсон Рамос, Боян Младинувич, Ривалдо, Азиз ҳайдаров, Улуғбек Бақоев Шешиловлар барибир бошқача эди ўша даврлар.

Минбар

Барча блоглар