Диёр Имомхўжаев Ўзбекистон Кубогида амалга ошиши кутилаётган ўзгариш ҳақида маълумот берди

ЎзПФЛ директори вазифасини бажарувчи Диёр Имомхўжаев ўз "Телеграм" саҳифасида Ўзбекистон Кубогида амалга ошиши кутилаётган ўзгариш ҳақида ёзиб қолдирди:

"Катта эҳтимол билан, Ўзбекистон Coca-Cola кубоги гуруҳ босқичининг 2-туридан бошлаб, футболчиларни алмаштиришлар сони яна 5 таликка қайтарилади. Бунда клублар уч уринишда 5 нафар футболчини майдонга тушириш имкониятига эга бўлади.

Карантин талаблари кучайтирилаётганидан келиб чиқиб, ЎФА мазкур масала юзасидан йиғилиш ўтказган. Қарор тақдим этилса, ПФЛ расмий бу ҳақда расман маълумот беради", - деб ёзади Диёр Имомхўжаев.