Donald Tramp — Urush tugasa, Rossiya Jahon chempionatida o‘ynaydi!

  • 9 may, 12:36
  • Oybek Yo’ldoshev
  • 1
  • Futbol
CHERY AUTO

Xabaringiz bor, 2026 yilgi Jahon chempionati Amerika Qo‘shma Shtatlari, Meksika va Kanadada o‘tkaziladi.

Tecno

"BBC Sport" ma’lumotlariga tayanadigan bo‘lsak, FIFA prezidenti va AQSh prezidenti Donald Tramp uchrashuvidagi muhokamalarga ko‘ra, 104 ta bahsdan 78 tasi aynan Amerika maydonlarida o‘tkazilishiga kelishib olingandi. Bundan tashqari, ikki rahbarning ba’zi fikrlari ham ommaning e’tiborini o‘ziga tortdi. Quyida ushbu fikrlardan ba’zilarini e’tiboringizga havola qilamiz.

"Men ikkinchi marta prezidentlikka saylanganimdan buyon Rossiya va Ukraina o‘rtasidagi urushni to‘xtatishga harakat qilyapman. Agar, Rossiya tomoni urushni tugatsa, Jahon chempionatida qatnashish ular uchun "rag‘batlantirish" vazifasini bajaradi. Biz ularni tinchlikka chaqirmoqchimiz. Aks holda, haftasiga besh ming yoshlar o‘ldirilishini kuzatishda davom etaveramiz" — dedi Donald Tramp.

Bu gaplarga javoban Janni Infantino ham o‘z fikrlarini bildirdi.

"Ularning o‘ynashlari hozircha ta’qiqlangan, ammo umid qilamizki, nimadir sodir bo‘ladi va tinchlikka erishiladi. Shundagina, Rossiya qayta musobaqalarda qatnasha oladi, xususan Jahon chempionatida ham".

Eslatib o‘tamiz, sanktsiyalar tufayli Rossiyaning har qanday turdagi terma jamoalari va klublari 2022 yildan buyon FIFA turnirlarida ishtirok etmayapti.

Fikrlar

Fikr qoldirish uchun avtorizatsiyadan o'ting!
&
Одижон Таджибаев
10/05/2025 12:23
Спорт бу сиесат эмас Жаноб Президент