Дониёр Абдуманнопов "Сўғдиёна"да!

Ўтган мавсумни “Андижон”да бошлаб, сўнг Беларусь чемпионатида “Энергетик-БГУ” сафига қўшилган истеъдодли ярим ҳимоячи Дониёр Абдуманнопов яқинда у ерни тарк этиб, Андижонга қайтиб келганди. Бунга жароҳати сабаб бўлган. Эндиликда ўзини яхши ҳис қилаётган футболчи жароҳатидан фориғ бўлди.

Охирги пайтларда Дониёр Абдуманноповга бир қатор таклифлар келиб тушди. Sports.uz сайтига маълум бўлишича, Абдуманнопов янги мавсумни Жиззахнинг “Сўғдиёна” клубида бошлайдиган бўлди. У жамоага Тошкентдаги йиғинда қўшилади.