Доннарумма: У ақл бовар қилмайдиган ўйин кўрсатди

ПСЖ дарвозабони Жанлуижи Доннарумма "Реал"даги ҳамкасби Тибо Куртуани Европанинг энг яхши дарвозабони деб ҳисоблашини айтди.

"Мен Чемпионлар лигасининг финал ўйинини томоша қилдим, Куртуа ақл бовар қилмайдиган ўйин намойиш этди. Айнан у "Реал"га ғалаба келтирди. Ҳозир Тибо Европанинг энг яхши дарвозабони. ПСЖ уларнинг ўрнида бўлиши мумкин эди, аммо бу футбол”, - деди италиялик посбон.

Эслатиб ўтамиз, 30 ёшли Куртуа “Реал” ва “Ливерпуль” ўртасидаги Чемпионлар лигаси финалида 9 та сейв кўрсатиб, энг яхши футболчи деб топилганди. “Қироллик клуби” эса ушбу баҳсда 1:0 ҳисобида ғалаба қозонди ва бош совринни қўлга киритди.