Драган Черан ўзбек ҳужумчиларидаги муаммо,

Чемпионатда “Пахтакор”га ва Драган Черанга тенг келадигани топилмаяпти. Клуб яна чемпион, Черан эса яна тўпурар! Сербиялик легионер кетма-кет учинчи бор ҳаммадан кўп гол уряпти.

2019 йили 23 та, ўтган йили 20 ва бу йил 16 та гол билан тўпурарликка сазовор бўлди. Шубҳасиз, бошқалар учун намуна сифатида кўрсатса арзийдиган легионер.

“Пахтакор”да унинг ўрни қанчалик катталигини барча билади. Ҳозирда Сербияда ҳордиқ чиқараётган футболчи куни кеча Sports.uz учун интервью берди.

- Драган, кетма-кет учинчи йил энг яхши тўпурар бўлдингиз. Бу билан сизни табриклайман. Назаримда, тўпурар бўлиш ҳар сафар сизнинг бош вазифангиз бўлса керак-а?

- Салом, илиқ табрик учун раҳмат. Менда ҳеч қачон индивидуал мақсад бўлмаган. Жамоага қўлимда келган ёрдамни қилиш учун доим бор кучим билан ўйнайман, холос. Сўнгги уч йил давомида жамоа йўлга қўйган ўзига хос ўйин туфайли мана шундай кўрсаткичларга эришиб келаётганидан хурсандман. Сиз мени охирги уч йилда жамоадаги энг яхши футболчи, дея эътироф қилмоқдасиз. Лекин шуни ҳам унутмангки, клубда мендан бошқа ўйинчилар ҳам бор. Агар улар бўлмаганида бундай натижалар ҳам бўлмасди.

черан4

- Ўзбекистонлик ҳужумчилар тўпурарликда сиздан ўтиб кета олмаяпти. Ростини айтинг-чи, бизда зўр ҳужумчилар камми?

- Бу борадаги саволингизга қўшилмаган бўлардим. Зеро, Ўзбекистонда ҳам яхши савиядаги ҳужумчилар етарли даражада топилади. Бироқ муаммо шундаки, ҳар мавсумда мана шундай ижрочилар орасида ярқ этиб порлайдиганлар кам. Устига-устак улар юқори даражани бардавом ушлаб тура олмайди. Шу асосий муаммо бўлса керак. Яна шуни қўшимча қилишим керакки, асосан биринчи планга ёш эмас, балки фахрий ҳужумчилар олиб чиқилади. Жумладан, Темурхўжа Абдухолиқов ва Марат Бикмаев (тўғри, ўтган мавсумда у кўп ўйнамади) каби фахрий ҳужумчилар доим кучли учликдан жой олиб келишади. Шундай ижрочиларсиз ҳам ўйнаб бўлмайди (кулади).

черан2_1

- Кубок финалида “Пахтакор” “Насаф”га нима учун ютқазди, деб ўйлайсиз? Ҳолбуки, рақиб бир киши кам бўлиб қолганди...

- Ҳа, мен ўйинни четдан томоша қилдим. Ғалаба қозонишимиз учун ҳаммаси ўз қўлимиздагидек кўринганди. Аммо ўйинни анча бўш ўтказдик, ҳужумда тажовузкорлик кўрсатмадик. Шу ҳам якунда мағлубиятга учрашимизга олиб келди. Бу мағлубиятни ўзини бўшаштириш ёки чарчоқ аломатлари сезилиб қолиши билан боғлаш-боғламасликни ҳам билмасдан турибман. Ўз навбатида, “Насаф” ўйинни ҳимояга таянган ҳолда ташкил этиб, гол киритиш учун пайт пойлади. Қаршиликларнинг мана шундай уринишлари ўз самарасини берди. Бу билан уларни табриклаб қоламан.

черан_3

- Кейинги режангиз биз учун қизиқ. Фаолиятингизни “Пахтакор”да давом эттирасизми? Ўйлашимча, амалдаги шартномангиз бор-а?

- Ҳали менинг “Пахтакор” билан тузган шартномамда яна бир йил бор. Шундай экан, келгуси мавсумда тўртинчи марта чемпионатнинг энг яхши тўпурарига айланишим учун қандай ҳаракат қилишимни кутиб қолишингизни сўрайман.

- Хизматингизга “Насаф” қизиқаётгани қанчалик ҳақиқат? Имкони бўлса, собиқ клубингизга қайтармидингиз?

- Ҳозирча мен “Пахтакор” ўйинчисиман. Лекин бошқа клубларнинг хизматимга кўз тикаётгани ҳам хурсанд қилмасдан қолмайди. Вазият шундай юз бердики, “Насаф”да бир-биридан ажойиб икки мавсумни ўтказганман. Қолаверса, менинг бош мураббий билан муносабатим аъло даражада бўлган. Ҳозир “Насаф”га қайтишим мумкинлиги ҳақидаги гап-сўзлар реалликка тўғри келмаса керак.

черан3

- Питер Хюистранинг Шота Арвеладзедан фарқи нимада? Эшитишимча, Питер бироз юмшоқроқ мураббий экан, шу ростми?

- Иккала мураббий ҳам “Пахтакор”даги ҳолат учун жавобгарликни бирдек ҳис қила олганини айтишим мумкин. Асосийси, улар клубда замонавий тизимни йўлга қўйганлар. Ўз навбатида, бундай тизим зўр натижаларни келтирмоқда. Иккаласи ҳам ўз ишини яхши бажара олишини кўрсатиб берди. Эҳтимол, Хюистра тил билан боғлиқ ўзига хос тўсиқ, туфайли бугунги мураббийда жамоавий ўйинга алоқаси йўқ муаммо бўлса керак. Аммо умумий ишда бу атрофдагиларга мутлақо сезлимаяпти.

черан1_1

- Гарчи клуб билан шартномангиз бўлишига қарамай, олдингизда қатор таклифлар турибди-а?

- Шу ёшимда ҳам менда кўплаб таклифлар бор. Лекин бугунги шароитни, ўзим яшаётган бу давлатни ва тўп сураётган клубни ўзгартириш ниятим йўқ.

- Ҳамма сизни Суперлигада биринчи рақамли энг яхши легионер сифатида тилга олади. Бу фикрга қўшиласизми ёки энг яхши легионер сифатида бошқасини айтасизми?

- Албатта, бундай гапларни эшитиш ёқимли. Бунинг учун мухлислардан миннатдорман. Шундай ўйлаётганларга раҳмат айтаман.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
&
Shaymardonov Nurbek Nasimovich
08/12/2021 15:10
Cheran kuchli uyinchi emas. shunchaki cheranni ochiq qolderishadi ayni ogir uyinchilegi uchun uni kup kishi maydonga ochiq qolderadi. Cheran hamroylari harakatini evaziga maydonga uynap oladi agar raqib jamoa bosim qilsa Cheran umuman maydonga yuq bulib qoladi. tezkorlik kam. unga

×