Дрикус дю Плесси: "Қоғозда ҳамма Хамзат Чимаев мени енгади, деб ўйламоқда. Бироқ улар ўқишни билмаслигимни тушунмаяпти"
Ўрта вазн тоифасида UFC чемпиони Дрикус дю Плесси (23-2) чеченистонлик Хамзат Чимаев (14-0) уларнинг жангига қандай тайёрланаётганини тушунмаяпти.
"У менга қарши қандай тайёргарлик кўради? Ҳатто нима қилишимни ўзим ҳам билмаяпман-ку... Балки бахтсиз ҳодиса юз берар, масалан, устимга пианино тушиб кетиши мумкин. Шундагина у ғалаба қозониш имконига эга бўлади. Қоғозда ҳамма Хамзат Чимаев мени енгади, деб ўйламоқда. Лекин улар ўқишни билмаслигимни тушунмаяпти", - дея ҳазиломуз гапларни айтиб ўтди жанубий африкалик ММА устаси.
Эслатиб ўтамиз, Чимаев ва дю Плесси тўқнашуви 17 август куни "UFC 319" турнирида ўтказилади.
Comments