Duglas Kostani yana "Bavariya"ga qaytarishmoqchi

“Yuventus” klubi yarim himoyachisi Duglas Kosta yana “Bavariya”ga qaytishi mumkin.

Bild nashri tarqatgan xabarga ko‘ra Manuel Noyer, Tomas Myuller, David Alaba va Robert Levandovski jamoa bosh murabbiyi Xans-Diter Flik bilan bo‘lgan yig‘ilishda braziliyalik futbolchini ortga qaytarishni so‘rashgan. Shu bois “Bavariya” qishki transfer yopilgunicha Kostani sotib olmoqchi.

Ma’lumot uchun, Kosta joriy mavsum “Yuventus” safida A Seriyada 10 ta o‘yinda maydonga tushdi va 3 ta golli uzatmaga mualliflik qildi.

Eslatib o‘tamiz, Duglas Kosta 2015-2017 yillarda “Bavariya” safida to‘p surgan.