Дунё қиличбозлари Тошкентда жам бўлади

Тошкентда Халқаро қиличбозлик федерацияси шафелигида 2019 йилнинг 16-17 ноябрь кунлари қиличбозликнинг сабля йўналиши бўйича ўсмир қизлар ўртасида Жаҳон кубоги бўлиб ўтади.

Пойтахтимиздаги Гимнастика бўйича ихтисослаштирилган болалар ва ўсмирлар спорт мактабида ўтадиган ушбу мусобақа Ўзбекистон Жисмоний тарбия ва спорт вазирлиги, Миллий олимпия қўмитаси ва мамлакатимиз қиличбозлик федерацияси томонидан ташкиллаштирилмоқда.

Эслатиб ўтамиз, 14 ноябрь куни Гимнастика бўйича ихтисослаштирилган болалар ва ўсмирлар спорт мактабида оммавий ахборот воситалари учун соат 15:00 Матбуот анжумани ташкил этилади.