Душан Влахович "Челси"га ўтиши мумкин — Лондон клуби қизиқиш билдирмоқда

"Ювентус" ҳужумчиси Душан Влахович Англия Премьер-лигасига кўчиши мумкин. "Corriere dello Sport" хабарига кўра, Лондоннинг "Челси" клуби сербиялик футболчини трансфер қилиш вариантини кўриб чиқмоқда.

Футболчи кеча, 26 май куни Лондондаги меҳмонхоналардан бирида кўрилгани айтилиб, бу унинг эҳтимолий трансфери ҳақидаги миш-мишларни янада кучайтирди.

Влахович 2022 йилда "Фиорентина"дан "Ювентус"га 85 миллион евро эвазига ўтган. Унинг шартномаси 2026 йил 30 июнгача амал қилади. 2025/26 мавсумда у барча мусобақаларда 23 ўйин ўтказиб, 10 та гол урди ва 2 та голли узатма амалга оширди.

Transfermarkt маълумотига кўра, футболчининг бозор қиймати 35 миллион евро деб баҳоланмоқда.