EChL. Barcha yarim finalchilar nomi ma’lum bo‘ldi

Evropa Chempionlar Ligasi chorak final bosqichidan o‘rin olgan "Borussiya" Dortmund - "Manchester Siti" uchrashuvi o‘z yakuniga etdi. Unda mehmonlar 2:1 hisobida g‘alaba qozondi.

Dastlab, maydon egalari Bellingemning tezkor goli evaziga oldinga o‘tib oldi. Biroq "shaharliklar" bu golga Riyad Maxrez va Fil Fodenning aniq zarbalari bilan javob qaytarishga muvaffaq bo‘ldi.

Shu tariqa, "Chelsi", PSJ va "Real" ortidan "Manchester Siti" ham yarim final bosqichiga chiqishni uddaladi. Endi final ostonasida PSJ "Siti" bilan, "Real" "Chelsi" bilan o‘zaro munosabatlarga oydinlik kiritib oladi.