ЕЧЛ. "Челси" - "Атлетико": Матнли трансляция

Ассалому алайкум, мухтарам футбол ихлосмандлари! Европа Чемпионлар Лигаси нимчорак финал босқичидан ўрин олган "Челси" - "Атлетико" учрашуви матнли трансляция кўринишида эътиборингизга ҳавола этилади. Уни сизлар билан Жавоҳир Азимов кузатиб боради.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+4'
  

  ГООООООООООООООООООООООЛЛЛЛЛЛЛЛЛЛЛЛЛЛЛ! Эмерсон ўйинга нуқта қўйди!

  Ҳозиргина майдонга тушган Эмерсон ҳисобдаги фарқни оширди.

• 90+4'
  

  Алонсо ва Хаверц ўрнига Эмерсон ҳамда Чилуэлл майдонга тушди.

• 90+2'
  

  "Челси" бугун гол ўтказмайдиган кўринади! Фелишнинг уринишини ҳам Эдуар Менди қайтарди.

• 90'
  

  Ўйиннинг асосий вақтига 5 дақиқа қўшиб берилди.

• 89'

  Хадсон-Одоининг зарбасидан кейин тўпни ҳимоячилар қайтарди.

• 87'

  Сўнгги дақиқаларни "матрасчилар" олдинги чизиқда ўтказмоқда.

• 85'

  Анхель Корреа ҳужумда қоида бузди ва жамоасига панд берди.

• 84'
  

  Тимо Вернер ўрнига Каллум Хадсон-Одои майдонга тушди.

• 82'
  

  Рақибига нисбатан жуда қўпол ўйнаган Савич майдондан четлатилди.

• 80'

  Лемар томонидан жарима майдонига узатилган тўпни ҳимоячилар қайтарди

• 79'

  Жарима майдонига яқин ҳудудда мадридликлар стандартни қўлга киритди.

• 77'
  

  Кристиан Пулишич Хаким Зиеш ўрнига майдонга тушди.

• 75'

  Хаким Зиешнинг узатмасига жамоадошларидан ҳеч ким ета олмади.

• 73'
  

  Бу сафар рақибига нисбатан қоида бузган Кокега сариқ карточка кўрсатилди.

• 71'

  Футболчилар бироз қўпол ўйин намойиш этишни бошлади.

• 69'
  

  Мадридликлар сафида ҳаракат қилган Триппьер ўз ўрнини Тома Лемарга бўшатиб берди.

• 66'
  

  Курт Зумага тиббий ёрдам кўрсатилмоқда.

• 64'
  

  Триппьер тўпни бурчакдан ўйинга киритди. Ҳимоячилар уни узоқлаштирди.

• 62'

  Тимо Вернернинг ўткир бурчакдан йўллаган кучли зарбасидан кейин дарвозага аниқ бормади.

• 60'
  

  Хосе Мария Хименес огоҳлантирилди.

• 59'
  

  Луис Суарес ўрнига Анхель Корреа майдонга тушди.

• 57'
  

  Зиешнинг зарбасидан кейин Облак ажойиб сейв ижро этди.

• 55'

  Тимо Вернер жарима майдони ичига узатма амалга оширди. Бироқ ҳимоячилар тўпни қайтарди.

• 53'
  

  Шогирдлари ўйинидан қониқмаётган Симеоне ўзгариш амалга оширди. Карраско ўрнига Мусса Дембеле ўйинни давом эттиради.

• 51'
  

  Рақибига нисбатан қўполлик ишлатган Сауль огоҳлантирилди.

• 48'
  

  Тимо Вернернинг зарбасидан кейин Облак жамоасини муқаррар голдан қутқариб қолди.

• 46'
  

  Симеоне таймни ўзгариш билан бошлади. Лоди ўз ўрнини Эрмосога бўшатиб берди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45'
  

  Биринчи бўлимга вақт қўшилмади. Танаффус!

• 45'

  Ковачичнинг кучли зарбаси бироз ноаниқ кетди.

• 43'
  

  Ҳужумга ўтган Антонио Рюдигернинг ўткир бурчакдан йўллаган зарбасига аниқлик етишмади.

• 42'

  Тайм сўнгини мадридликлар фаол ўтказишга ҳаракат қиляпти. Бироқ мезбонлар тўпни назорат қилиб, рақиб шаштини туширишга уринмоқда.

• 40'

  Жарима майдони ичида Хаверц тўпни бироз ўзига бўйсундира олмади. Қулай имконият бой берилди.

• 39'
  

  Фелишнинг зарбасидан кейин ҳимоячига теккан тўп ўз кучини бироз йўқотди. Менди ўз ўрнида.

• 37'

  Жарима майдони марказига етказиб берилган тўпни Хаверц бироз ета олмади.

• 36'

  Голдан руҳланган лондонликлар олдинга ўтишда давом этмоқда.

• 34'
  

  ГОООООООООООООООООООООООООООЛЛЛЛЛЛЛЛЛЛЛЛЛЛЛЛЛЛ! "Челси" учрашувда ҳисобни очди!

  Тезкор қарши ҳужумга ўтган Вернер жарима майдони ичидаги Зиешни тўп билан таъминлади. Хаким тўпни дарвозага киритди.

• 32'
  

  Бу сафар Жеймсни йиқитган Лоди сариқ карточкага лойиқ кўрилди.

• 30'
  

  Иккинчи қаватдаги тўп учун курашда Савичга нисбатан қоида бузган Хаверц огоҳлантирилди.

• 29'

  Менди дарвозаси томон тепилган тўп ноаниқ кетди. Эдуар эркин зарба билан тўпни ўйинга киритиб беради.

• 27'
  

  Триппьер бурчакдан тўпни шериклари томон оширди. Аммо лондонликлар тўпни узоқлаштирди.

• 26'

  Бу сафар Карраско жарима майдони ичида йиқилди. Орсато яна жим.

• 25'

  "Матрасчилар" тўп назоратини рақибдан тортиб олишга муваффақ бўлди.

• 23'

  Луис Суарес жарима майдони ичида йиқилиб тушди. Ҳакам Рюдигернинг ҳаракатини қонун доирасида деб топди.

• 22'

  Диего Симеоненинг кўрсатмаларидан кейин меҳмонлар ҳам олдинга ўтишни бошлади. Энди ҳужумлар фақат Облак дарвозаси қаршисида ююзага келмаяпти.

• 20'

  Тимо Вернернинг жарима майдони ташқарисидан йўллаган зарбасига аниқлик етишмади.

• 18'

  Жарима майдонига ёриб кираётган Фелишни ортдан етиб келган Канте тўхтатди.

• 17'
  

  Бурчакдан етказиб берилган тўпни "матрасчилар" жарима майдонидан узоқлаштирди.

• 15'

  Рақибга босим уюштираётган лондонликлар "Атлетико"ни марказдан ўтказмай қўйди.

• 14'

  Майдон марказида Ковачичга нисбатан қоида бузилди. Ҳакам ўйинни тўхтатди.

• 12'

  Ҳозирча, "аристократлар"нинг ўнг қаноти анча фаол ўйин намойиш этмоқда.

• 10'

  Маркос Алонсонинг ўткир бурчакдан йўллаган зарбасига аниқлик етишмади.

• 8'

  Жарима майдонига ёриб киришга ҳаракат қилган Канте ҳимоячилар томонидан тўхтатилди. Тўп мадридликларда.

• 6'

  Тухель шогирдлари рақиб жарима майдони атрофида тўпни ушлаб туриб, ҳимоядаги заиф нуқталарни излаяпти.

• 4'
  

  Ренан Лодининг жарима майдони ташқарисидан йўллаган зарбасини дарвозабон ушлаб олди.

• 2'

  Дастлабки дақиқалардан майдон эгалари тўпни назорат қилишга интилмоқда.

• 1'
  

  Ўйин бошланди!

• 0'

  Футболчилар майдонга тушиб келди. ЕЧЛ мадҳияси янгради. Старт учун барчаси тайёр!