ЕЧЛ. "Ливерпуль" ва "Наполи" кейинги босқичда

Австриянинг "Ред Булл Зальцбург" клуби ўз майдонида Англиянинг "Ливерпуль" жамоасини қабул қилди ва 0:2 ҳисобида ғалаба қозонди. Голларга Наби Кейта ва Муҳаммад Салоҳлар муаллифлик қилди.

Шу тариқа, "қизиллар" ҳисобидаги очколар сони 13 тага етди ва жамоа турнир жадвалида 1-ўринни эгаллаб, 1/8 финал йўлланмасини қўлга киритди. 7 очкоси бор австрияликлар эса гуруҳда 3-поғонани қўлга киритиб, Европа лигасида ўйнайдиган бўлди.

Параллель равишда кечган "Наполи" - "Генк" қарама-қаршилигида эса мезбонлар рақиб дарвозасига жавобсиз 4 та тўп киритишга эришдилар. Бугунги муваффақият эвазига неаполликлар ўз очколари сонини 12 тага етказиб олган ҳолда "Е" квартетида иккинчи ўринни эгаллашди ва плей-оффга йўл олишди.

6 та баҳсда 1 очкони қўлга киритган "Генк" гуруҳда сўнгги поғонани банд этди.