ЕЧЛда 5-тур якунланди: 4 та клуб мағлуб бўлмади, битта клуб очко йўқотмади

Чемпионлар лигаси гуруҳ босқичи 5-тур ўйинларига якун ясалди. Плей-офф йўлланмасини муддатидан олдин хал қилган  "Барселона" "Ференцварош"ни меҳмонда (3:0) мағлубиятга учратди.

Шу тариқа, Роналд Куман шогирдлари турнирнинг жорий мавсумида гуруҳ босқичида дастлабки бешта ўйиннинг барчасида ғолиб бўлган ягона клуб сифатида қолди. Сўнгги турда каталонияликлар "Камп Ноу"да "Ювентус"ни қабул қилади.

"Шунингдек, Челси", "Бавария" ва "Манчестер Сити" гуруҳ босқичида мағлубиятга учрашмади. Уларнинг ҳисобида 4 ғалаба ва бир дуранг бор.

Олтинчи тур олдидан "Порту", "Ливерпуль", "Барселона", " Бавария", "Манчестер Сити", " Челси", "Севилья" ва " Ювентус" клублари плей-офф йўлланмасини қўлга киритишди.