ЕЧЛни ёндирган футболчини инглиз грандлари нишонга олди

"Ньюкасл" вингери Энтони Гордон АПЛнинг гранд клубларидан бирида фаолиятини давом эттириши мумкин.

Европа Чемпионлар лигасининг плей-офф ўйинида "Қорабоғ"га қарши баҳсда покерни расмийлаштирган Энтони Гордоннинг хизматларига АПЛнинг амалдаги чемпиони "Ливерпуль" ва айни вақтда турнир жадвали етакчиси бўлиб турган "Арсенал" клублари жиддий қизиқиш билдирмоқда. Футболчининг ўзи ушбу таклифларга қуйидагича изоҳ берди.

"Ҳаммаси одатдагидек. Мен ҳеч нарса эшитмадим. Эҳтимол улар бу нарсаларни ОАВга айтишдан аввал мени огоҳлантиришлари керакдир. Буларнинг ҳаммаси бемаънилик эканини тушуниш учун мен ўз йўлимда етарлича тажриба орттирдим. Мен ўзимга ва жамоамга бор эътиборимга қаратаман. Келажакка узоқ қарасангиз, кутилганидан пастроқ натижалар кўрсата бошлайсиз. Ишонинг мен бунга гувоҳ бўлганман ва буни қайта такрорлашни истамайман", - деди Гордон.

Маълумот учун, англиялик вингер жорий мавсумда умумий 36та учрашувда майдонга тушиб, 14та гол ва 5та голли узатмани амалга оширди.