Эдегор: Бизни "Манчестер Сити" қизиқтирмайди

"Арсенал" сардори Мартин Эдегор "Манчестер Сити"нинг натижалари жамоага босим ўтказяптими, деган саволга жавоб берди.

Эслатиб ўтамиз, «Арсенал» кеча «Манчестер Юнайтед»га қарши ўйинда 3:2 ҳисобида муҳим ғалабани қўлга киритди ва иккинчи ўриндаги «Манчестер Сити» билан фарқни 5 тага етказиб олди.

"Тўғрисини айтсам, бизни «Манчестер Сити» ёки бошқа жамоалар қизиқтирмайди. Биз уларнинг ғалаба қозонишини кутгандик, шунинг учун бу бизни ҳайрон қолдирмайди. Биз бор эътиборимизни ғалаба қозониш учун ўз ўйинимизга қаратдик ва бунга эришдик”, — деди Эдегор.

Маълумот учун, "Арсенал" 28 январь куни Англия кубогининг 4-раунди доирасида ўз майдонида "Манчестер Сити"ни қабул қилади.