Эден Азар энди футбол ўйнамайди
El Chiringuito нашрининг хабар беришича, “Реал”нинг энг қимматбаҳо футболчиларидан ҳисобланган Эден Азар мавсум охиригача футбол ўйнамайди.
Бельгиялик ҳужумкор футболчи ўнг оёғи суягидаги пластинкани олдириш учун жарроҳлик столига ётиши керак бўлади. Бошида Азар беш ҳафта майдондан ташқарида бўлиши тахмин қилинган эди. Бироқ, вазият жиддий бўлиб чиқди ва у бу мавсум бошқа ўйнамайди.
Эден Азар 2019 йилдан бери “Қироллик клуби”дан 500 кундан ортиқ вақтини жароҳатларини даволатишга сарфлагани ҳақида маълумотлар чиққан эди. Унга кўра, қимматбаҳо футболчи Испания клубида жами 14 марта жароҳат олган.
Азар жорий мавсумда 22 та учрашув ўтказиб, битта гол урди ва иккита голли пас узатди.
Фикрлар