Эдинсон Каванининг танлови аниқ бўлди

"Пари Сен-Жермен" клуби ҳужумчиси Эдинсон Кавани "Манчестер Юнайтед" ва "Атлетико" клубларининг таклифлари бўйича танлови аниқ бўлди, дея хабар бермоқда TF1.

Иккала клуб ҳам футболчи учун йилига 12 миллион евро ва қўшимча бонусли шартнома таклиф этишган эди. Бироқ уругвайлик футболчи "матрасчилар" билан келишув имзолашни маъқул деб топди, дейилади манбада.

Яқин вақтлар ичида 32 ёшли футболчининг "Атлетико"га трансфери якунланиши кутилмоқда. Унга кўра, мадридликлар ПСЖ билан олти ойлик шартномаси қолган футболчи учун 25 миллион евро товон пули тўлайди.

Жорий мавсумда Кавани Париж клуби либосида 14 та ўйинда майдонга тушиб, бешта гол муаллифи бўлди.