Эксклюзив! Сон, Томиясу ва Шомуродов ёхуд Осиёда ўз термасининг энг қиммат футболчилари

Статистик маълумотлар билан шуғулланувчи "Transfermarkt" портали футболчиларнинг салоҳияти, кўрсаткичлари, клуби ва яна бир қатор факторларга қараб, уларга нарх белгилайди. 

SPORTS.uz Осиёнинг номдор терма жамоаларининг энг қиммат футболчилари рўйхатини тузиб чиқди: 

Жанубий Корея: Сон Хён Мин 
Клуби: "Тоттенхэм" (Англия) 
Трансфер нархи: 75 миллион евро 



Япония: Такэхиро Томиясу
Клуби: "Арсенал" (Англия) 
Трансфер нархи: 22 миллион евро 



Эрон: Меҳди Тареми
Клуби: "Порту" (Португалия) 
Трансфер нархи: 20 миллион евро 



Ўзбекистон: Элдор Шомуродов 
Клуби: "Рома" (Италия)
Трансфер нархи: 8 миллион евро



Қатар: Акром Афиф
Клуби: "Ал-Садд" (Қатар) 
Трансфер нархи: 5.50 миллион евро



Австралия: Аарон Муй 
Клуби: "Селтик" (Шотландия) 
Трансфер нархи: 5 миллион евро 



Саудия Арабистони: Султан Ал-Ганам
Клуби: "Ал-Насср" (Садуия Арабистони) 
Трансфер нархи: 3.50 миллион евро 



БАА: Али Мабҳут
Клуби: "Ал-Жазира" (БАА) 
Трансфер нархи: 3 миллион евро 



Хитой: Ву Лей 
Клуби: "Шанхай Порт" (Хитой) 
Трансфер нархи: 2.50 миллион евро 



Сурия: Омар Ал Сома 
Клуби: "Ал-Араби" (Қатар) 
Трансфер нархи: 2 миллион евро 



Ироқ: Моҳанад Жазе 
Клуби: "Хаммарбю" (Швеция) 
Трансфер нархи: 1.80 миллион евро 



Қайд этиш лозим, мазкур рўйхатдан фақатгина терма жамоасининг энг қиммат футболчилари жой олган. Мисол тариқасида, Жанубий Корея ёки Япониянинг ўзидан трансфер нархи анчагина юқори бўлган футболчилар мавжуд. 

Японияда Даити Камада ҳамда Такэхиро Томиясунинг трансфер нархи бир хил - 22 миллион еврони ташкил этсада, "Арсенал" фулбекининг ёши инобатга олиниб, ушбу рўйхатга киритилди. 

Шунингдек, Эрон терма жамоаси аъзоси Сардор Азмун бир неча йил давомида ушбу мамлакатнинг энг қиммат футболчиси бўлиб келаётганди. Бироқ форвард "Байер"га ўтганидан сўнг у қадар ҳам юқори даражада ўйин намойиш эта олмаётгани туфайли унинг трансфер қиймати 22 миллион евродан 18 миллион еврогача пастлади. 

Маълумот ўрнида, легионеримиз Элдор Шомуродовнинг трансфер нархи ҳам сўнгги йилда 14 миллион еврогача кўтарилган. "Рома"да доимий захирада қолиб кетаётгани ва кам ўйин амалиётига эга бўлаётгани туфайли "Transfermarkt" портали унинг нархини ҳам кескин тарзда туширган. 

Шунингдек, терма жамоамизда Элдордан кейинги икки ўринни трансфер қиймати 3 миллион еврони ташкил этувчи Отабек Шукуров ҳамда Жалолиддин Машарипов эгаллаб туради.  



                                                                                                                                                  Худайқулов Карим тайёрлади