Эктор Бельерин фаолиятини Ла Лигада давом эттириши мумкин
У ўз ватанига қайтиши мумкин.
Лондоннинг “Арсенал” клуби ҳимоячиси Эктор Бельерин “Атлетико”нинг қизиқишлар доирасига кириб қолди.
The Telegraph нашри тарқатган хабарга кўра 24 ёшли испаниялик футболчи “матрасчилар”нинг жорий ёзги трансферлардаги асосий нишонларидан бири ҳисобланади. “Атлетико” Бельеринг эвазига “Арсенал”га ярим ҳимоячиси Витолони бериши мумкин. Таъкидлаш керакки, “канонирлар” устози Унаи Эмери Витоло билан “Севилья”да бирга ишлаган ва унинг имкониятларини яхши билади.
Маълумот учун, Бельериннинг “Арсенал” билан амалдаги шартномаси 2022 йилга қадар имзоланган. У жорий йилнинг январидан буён жароҳат сабаб майдонга тушмади.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар