“Эл-класико” олдидан “Барса”да катта йўқотиш

20 март куни Испания чемпионатининг 29-турида “Барселона” Мадридда мусобақа пешқадами “Реал” меҳмони бўлади.   

Муҳим учрашув олдидан каталонияликлар асосий таркибнинг икки ҳимоячиси – Жерар Пике ва Сержиьо Дест хизматидан фойдалана олмайдиган бўлди. 21 ёшли Дест Европа лигаси доирасида “Галатасарой”га қарши ўтказилган учрашувда шикастланиб, 56-дақиқада майдонни тарк этганди. Америкалик футболчининг сон мушаклари жароҳатланган ва бир неча ҳафта мобайнида майдондан ташқарида бўлади.

35 ёшли Жерар Пике эса, туркларга қарши 81 дақиқа шйнади. Унинг ҳам оёқ мушакларида оғриқ бор ва катта эҳтимол билан мадридликка қарши баҳсда иштирок эта олмайди.

Ла Лигада “Реал” 66 очко билан пешқадамлик қилмоқда. Хави шогирдлари очколари сонини 51 тага етказиб, учинчи ўринга кўтарилиб олди.