"Эл класико"да Винисиус Жуниор Роналдунинг рекордини такрорлашиши ёки янгилаши мумкин

"Реал Мадрид" вингери Винисиус Жуниор финаллардаги сермаҳсуллик бўйича клуб афсоналарига етиб олиши мумкин.

Бугун тунда Испания Суперкубоги финалида Каталониянинг "Барселона" ва Мадриднинг "Реал" клублари баҳс олиб боради. Агар ушбу учрашувда "қироллик клуби" вингери Винисиус Жуниор гол урса, жамоа афсоналари Криштиану Роналду, Карим Бензема ҳамда Ференц Пушкашга  финалларда гол уриш бўйича етиб олади. Айни вақтда ушбу 3 футболчида финал учрашувларида киритилган 16тадан гол бор. Бразилиялик футболчи эса якуний баҳсларда ўз номина 15та гол ёздириб қўйишга улгурган. 

Эслатиб ўтамиз, Вини "Реал" клуби ва Бразилия терма жамоаси сафида сўнгги 19та учрашувда гол уро олмаган.