ЕЛ. Окампоснинг ўйини чиқмаган учрашувда "Севилья" финал чипталарини қўлга киритди

УЕФА Европа Лигасида биринчи финалчи номи маълум бўлди. "Севилья" ҳамда "Манчестер Юнайтед" жамоалари ўртасида кечган баҳсда андалусияликлар ғалаба қозонди.

Дастлаб, пенальтини бехато ижро этиб, тезкор гол киритган Сульшер шогирдлари кейинчалик икки бор ўз дарвозасидан тўп олиб чиқишга мажбур бўлди: Сусо 26-дақиқада ҳисобни тенглаштирган бўлса, Люк Де Йонг 78-дақиқа ўтиб бораётганида мувозанатни ўз жамоаси томонига оғдирди.

Лопетеги шогирдлари энди "Интер" ва "Шахтёр" клублари ғолиби билан бош соврин учун баҳс олиб боради.

• 90+6'
  

  Қизиқарли кечган ўйин якунланди. "Севилья" финалда. Матнли трансляция Жавоҳир Азимов томонидан олиб борилди.

• 90+5'

  Қаршисида катта бўшлиққа эга бўлган Де Йонг жарима майдончаси ичига кириб, марказга узатма амалга оширди. Аммо Магуайр вазиятни назорат қилаётган эди.

• 90+4'

  Шериклари қулай узатма кутаётган бир вақтда, Мата тўпни рақиб посбонининг қўлларига топшириб қўйди.

• 90+3'
  

  Гринвуд ўрнига Игало ўйинга қўшилди.

• 90+2'

  Марсьяль ва Мата ҳужумда бир-бирларини тушунмади. Натижада, яхши имконият барбод бўлди.

• 90'
  

  Арбитр асосий вақтга 6 дақиқа қўшиб берди.

• 89'
  

  Морено ҳам ўйинни захирадан кузатади. Унинг позициясида Гудель ўйинни якунлаб қўяди.

• 88'

  Сульшердан бир вақтнинг ўзида 3 та ўзгариш: Уильямс, Уан-Биссака ҳамда Рэшфорд ўрнига Фосу-Менса, Жеймс ва Мата ўйинга қўшилди

• 86'
  

  Мунир сариқ карточка олди. Ҳакам Магуайрга ҳам карточка кўрсатди.

• 85'

  Жарима майдончаси ичида Бруну Фернандеш йиқилиб тушди. Брих ВАРга қулоқ солиб, бу вазиятда ҳеч қандай қўполлик йўқлигини таъкидлади.

• 83'
  

  Ҳисобда олдинга чиқиб олган Лопетеги шогирдлари бурчак тўпи ишлаб олишди. Банеганинг узатмасини Васкес дарвозага тўғри йўллай олмади.

• 82'

  Мунир ҳамон ўйинга мослаша олмаяпти. Унинг ҳаракатлари ноаниқ якунланмоқда.

• 81'
  

  Гол муаллифи энди офсайдда қолиб кетди.

• 80'

  80 дақиқа ичида бирорта ўзгаришга қўл урмаган Сульшер ҳайратда.

• 78'
  

  ГООООООООООЛЛЛЛЛЛЛ!

  Захирадан ўйинга қўшилган Де Йонг қанотдан узатилган қулай узатмани дарвозага йўллади. Де Хеа бу вазиятда ожиз қолди.

• 77'
  

  Гринвуднинг кутилмаганда берган зарбасини Буну бартараф этди.

• 75'
  

  "Севилья" футболчилари томонидан киритилган ягона гол муаллифи захирага олинди. Унинг ўрни Франко Васкес томонидан тўлдирилди.

• 73'

  Жарима майдончаси яқинида Регилонга нисбатан ишлатилган қўполлик натижасида жарима зарбаси белгиланди. Жорданнинг узатмаси Брунунинг қўлига теккан бўлса-да, қўл табиий ҳолатда эди, дея баҳоланди.

• 71'

  Люк Де Йонг майдонга туширилгандан кейин андалусияликлар иккинчи қаватни кўпроқ ишга солмлқда.

• 70'

  Ўнг қанотда ўз техникасини намойиш этиб, дарвозага зарба берган Гринвуднинг уриниши ҳимоячиларга тегиб қайтди.

• 69'

  Погбанинг узоқ масофадан йўллаган зарбаси ноаниқ кетди.

• 68'

  Спринтерлик пойгасида иштирок этган Бруну ҳамда Кунде баҳсида "Севилья" ҳимоячиси устун келди.

• 66'
  

  Ҳакамнинг қарорига очиқчасига эътироз билдирган Рэшфорд сариқ карточка билан жазоланди.

• 65'

  Ўйин суръати бироз пасайди. Майда қўполликлар кўпайиб кетмоқда.

• 63'

  Яқиндагина майдонга тушган Мунир навбатдаги сафар қўполлик ишлатди.

• 62'

  Мунир ҳужумда ўйин қоидасини бузди.

• 61'
  

  Ҳозиргина ўйинни давом эттириши ойдинлашган Гринвуддан яхши юриш: бурчак зарбаси ишлаб олинди. Брунуниг узатмасини эса ҳимоячилар қайтарди.

• 58'
  

  Жюль Кунденинг қалтис ўйини натижасида Гринвуд майдонда ётибди. Ёш инглиз вингери ўйинни давом эттира олади.

• 58'

  Иккинчи бўлимда устунлик Сульшер шогирларида.

• 56'
  

  Биринчи "тактик юриш" Лопетегидан: Окампос ҳамда Эн-Несерининг ўрнига Де Йонг ва Мунир майдонга ташланди.

• 53'
  

  Нималар қиляпти Яссин Буну?! 1 дақиқанинг ўзида икки бор бирга-бир вазиятга чиққан Марсьялнинг уринишларини марокашлик посбон зарарсизлантирди. У бугун ўта маҳорат билан ҳаракат қилмоқда.

• 52'

  Жамоадошининг узатмаси Гринвуд учун тезлик қилди.

• 51'
  

  Бунудан навбатдаги сейв! Бу сафар ҳам Марсьяль ўша позициядан зарба йўллади. Дарвозабон ўз ўрнида.

• 50'
  

  Бунудан яна бир супер сейв: яқин масофадан Марсьялнинг кучли зарбасини кипер бартараф этди.

• 48'

  Банега рақибларини алдаб ўтди ва Эн-Несерига узатма оширди. Аммо ҳужумчининг тезлиги панд берди.

• 46'
  

  Иккинчи 45 дақиқалик аввалида ҳам манкунияликлар жуда ҳавфли ҳужум ташкиллаштиришди. Гринвуднинг ўнг оёқда берган зарбасини Буну қайтарди.

• 46'
  

  Иккинчи тайм бошланди!

• 46'

  Жамоалар майдонга қайтишди. Навбат бизники!

• 45+2'
  

  Танаффус!

• 45+2'

  Тезкор қарши ҳужумни Рэшфорд якунлай олмади.

• 45+1'
  

  Бруну Фернандешнинг жарима майдончаси ташқарисидан тепган тўпини Буну қайтарди.

• 45'
  

  Бош ҳакам Феликс Брих биринчи бўлимга 2 дақиқа қўшиб берди.

• 44'

  Бу сафар Диего Карлос Брунуни жуда моҳирлик билан зарарсизлантирди.

• 42'

  Жарима майдончаси ёнгинасида Уан-Биссака Окампосдан ўта усталик билан тўпни олиб қўйди.

• 40'
  

  Иккинчи қаватда Магуайр билан курашга киришган Эн-Несери майдонда ётибди. Унинг ҳолати яхшига ўхшамоқда.

• 39'
  

  Узоқ масофадан кучли зарба йўллаган Рэшфорднинг уринишини Буну қайтарди. Тўпнинг траекторияси сабаб посбон уни ушлай олмади.

• 38'

  Эвер Банегадан қўполлик. Вазият қурбони Поль Погба.

• 37'

  Рақиб жарима майдончаси яқинида Сульшер шогирдлари майда паслар билан қулай фурсат пойламоқда.

• 35'

  Одатдагидек, "Севилья"нинг чап қаноти жуда фаол. Уан-Биссакага осон бўлмаяпти.

• 33'

  Погбанинг қулай узатмасидан кейин Марсьяль ажойиб имкониятни кўкка совурди. Бу вазиятдан фойдалана олмаганлиги унинг руҳиятига таъсир қилиши мумкин.

• 32'

  МЮ футболчилари қарши ҳужумга ўтаётган пайтда андалусияликлар тактик қўполлик ишлатмоқда.

• 30'

  Дарвозабоннинг олдинга чиқиб кетганлигидан фойдаланиб, Бруну Фернандеш зарба йўллади. Аммо португалиялик хавбек ўз мақсадига ета олмади.

• 28'

  Манчестерликлардан голга дарҳол реакция: Магуайрнинг зарбаси аниқ чиқмади.

• 26'
  

  ГООООООООООЛЛЛЛЛЛЛ!

  Регилон Окампос билан комбинация ташкиллаштириб, ўзига бўшлиқ яратди ва марказга узатма амалга оширди. Унинг пасини Сусо дарвозага йўллади.

• 25'

  Окампоснинг зарбаси ноаниқ кетди.

• 23'

  Регилонга нисбатан қалтис ўйнаган Фред бу сафар оғзаки огоҳлантирилди.

• 21'
  

  Қарши ҳужумга интилаётган Марсьялни қўполлик билан тўхтатгани учун Диего Карлос сариқ карточкага лойиқ кўрилди.

• 19'

  Тўпга зарба беришига имконият қолдирмаган ҳимоячини Гринвуд чалиб йиқитди.

• 18'

  Тезкорлик билан қарши ҳужумга ўтган Бруну Марсьялни тўп билан таъминлади. Бироқ французнинг техникаси вақт йўқотилишига сабаб бўлди.

• 17'
  

  Уильямс катта тезликда келиб Моренонинг оёғига зарба берди. Бош ҳакам Брих уни огоҳлантирди.

• 16'
  

  Ўткир бурчакдан кучли зарба йўллаган Окампоснинг уринишини Де Хеа бартараф этди.

• 14'

  Марказда Морено тўпни рақибларига олдириб қўйди. Қулай позицияга югурган Фреднинг зарбаси дарвоза тўрига ташқари томондан тегди.

• 13'

  Лопетеги шогирдлари тўп назоратини қўлга олишга ҳаракат қиляпти.

• 11'

  "Севилья" футболчилари ҳам ҳужумга ўтишди. Жарима майдончаси ичида Банегани Магуайр бироз туртиб юборди. Бу вазият пенальти учун камлик қилади.

• 9'
  

  ГООООООООООЛЛЛЛЛЛЛ!

  Тўп олдига яқинлашган Бруну Фернандеш юқори бурчакни нишонга олиб, дарвозабонга ҳеч қандай имконият қолдирмади.

• 8'

  Феликс Брих видеотакрорлардаги ёрдамчиларидан бу вазиятни янада чуқурроқ текширишни сўрамоқда.

• 7'
  

  Марсьялнинг моҳирона узатмасидан кейин Рэшфорд дарвозабон билан бирга-бир вазиятга чиқиб зарба берди. Дарвозабон хавфни бартараф этди, аммо олдинроқ Маркусга нисбатан қўполлик ишлатилганлиги маълум бўлди.

• 5'
  

  Испанлар ҳам бурчак тўпини ижро этди. Уларнинг ҳам вазияти бартараф этилди.

• 3'

  Сульшер шогирдлари эрта прессинг амалга оширмоқда. Натижада, андалусияликларда хатолар кузатилмоқда.

• 1'
  

  Манкунияликлар илк дақиқада ҳужумга ўтишди ва бурчак зарбасига эга бўлишди. Аммо фойдасиз.

• 1'
  

  Учрашув бошланди!

• 0'

  Икки жамоа футболчилари ҳам майдонга тушиб келишди. Ўйин бир дақиқалик сукутдан сўнг старт олади.

• 0'

  Ассалому алайкум миллионлар ўйинининг муҳтарам мухлислари! Биз билан эканлигингиздан хурсандмиз.