“Элдор тез орада А Серия грандларидан бирига ўтади!”

Элдор Шомуродов А Сериядаги биринчи голини урди. Унинг ўйини ижобий томонга ўзгараётгани футболчимизнинг Италия футболига мослаша бошлаганидан далолат беради. Ҳужумчимиз жамоасининг охирги икки учрашувини бошланғич таркибда бошлаб, битта  голли пас ва гол муаллифи бўлди.

“Женоа” мухлислар клубнинг фейсбукдаги расмий саҳифасида Шомуродов ҳақидаги фикр-мулоҳазаларини билдира бошлади.

Sports.uz  портали эътиборингизга ана шу фикрларнинг таржимасини ҳавола этади.

Erik Noce

Шомуродовнинг салбий жиҳатларини қидиравермаслик керак. Яхши лаҳзалар ҳақида гаплашайлик. Масалан, Шомуродовнинг зўр ўйнай бошлагани, гол ургани ва голли пас узатгани ҳақида суҳбатлашайлик.

Vincenzo Spitaletta

Элдор тез орада А Серия грандларидан бирига ўтади! Ҳали кўрасизлар!

Alessio Mammoliti

Шомуродов ўзини кўрсата олди. Марказий ҳужумчи қандай ҳаракат қилиш керак бўлса, худди шундай ўйнади. Браво! Зарбага гап йўқ!

Marco Pasquini

Шомуродов охирги икки ўйинда гол урди ва голли пас узатди. Бу ҳали жароҳатдан энди чиққан ва жамоавий ўйинга киришиб кетмагандаги ҳолат. У ёғига нималар бўлишини тасавур қилаверинг!

20201130_230005_1_1

Edoardo Orellana

Шомуродовдан ҳайратланарли ажойиб гол! Охирги пайтда у жуда зўр!

Paing Taw

Шомуродовнинг жамоа танлашда омади чопмади. “Женоа” А Сериядаги энг “ақлсиз” жамоа. Уларнинг жойи В Серияда. Кўрасизлар, бу ажойиб ҳужумчи улар орасида анча қийналади.

Stefano Torre

Шомуродов бу ўйинда “Женоа” учун ҳақиқий жанг қилган ягона футболчи. Қолган ўйинчилар уялиши керак!

Massimo Gandolfo

Шомуродовнинг ўйини ёқди. Доим рақиб дарвозасига хавф солиб турди. Керакли пайтда, мураккаб вазиятда тўғри қарор қабул қилиб, гол урди. Ҳужумда шу даражада зўр ўйнаш –  ҳужумчининг ҳақиқий маҳоратидан дарак беради.

Giorgio Gazzo

Шомуродовни нега захирага олишяпти?  Скамакканинг ўйини ноль, лекин уни майдонда қолдиришяпти. Маранга жамоадан ҳайдалиш учун яна бир мағлубият керак шекилли!

1111111111111111111111111111111111111111111111111111111111111111_1

Элдор Шомуродов “Парма”га қарши ўтказилган учрашувда “Женоа”нинг энг яхши футболчиси бўлди. У мураккаб вазиятдан гол билан чиқиб кетишдан ташқари, жамоадошларини икки марта қулай вазиятга чиқарди. Кўпчилик ўзбек футболчиси 69-дақиқада захирага олинмаганида генуяликларни мағлубиятдан қутқариб қоларди, деб ҳисобламоқда.

Футболчиларнинг ўйинини баҳолаб борадиган whoscored.com статистика портали ушбу учрашувда Шомуродовга энг юқори - 7.7 балл берди.

Шомуродов «Женоа» юлдузини захирага михлаб, ўзи гол ура бошлади

Шомуродовнинг муваффақиятидан сўнг, Россия клублари қайси футболчиларимизга харидор бўлади?

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Дилшод Даврлнов
02/12/2020 20:33
Элдор олга олга олга ГОЛ ГОЛ ГОЛ ГОЛ ОМАД КАТТА ОМАД
Дилшод Даврлнов
02/12/2020 20:32
Элдор олга олга олга ГОЛ ГОЛ ГОЛ ГОЛ ОМАД КАТТА ОМАД