Элдорга сизнинг ёрдамингиз керак: у ОФК сўровномасида Таремидан ортда қолмоқда
Осиё Футбол Конфедерацияси расмий сайти ҳафтанинг энг зўр футболчисини аниқлаш учун доимий тарзда сўровнома ўтказиб келади. Бу галги рўйхатдан "Женоа" клубида тўп тепаётган ҳамюртимиз Элдор Шомуродов ҳам ўрин олган.
Италия А Сериясининг 33-турида генуяликлар "Специя"га қарши баҳс олиб борди ва "Шома" захирадан майдонга тушиб, жуда чиройли голга муаллифлик қилди.
Сўровномада айни вақтда эронлик Меҳди Тареми етакчилик қилмоқда. "Порту" ҳужумчиси 47 фоиз овоз тўплаган. Элдорда эса 34 фоиз овоз мавжуд. Сўровнома эртага, 2 май куни ўз ниҳоясига етади.
Қуйидаги ҳавола орқали овоз бериб, ҳамюртимизни қўллаб-қувватлашингиз мумкин:
Фикрлар