Элит ОЧЛ. Қаршидан кечган қизғин баҳсдан фотогалерея

Элит Осиё Чемпионлар Лигаси умумий гуруҳ босқичининг 2-туридан ўрин олган "Насаф" ҳамда "Ал-Ҳилол" ўртасидаги беллашув Саудия клуби фойдасига 3:2 ҳисобида ўз ниҳоясига етди. Дастлаб ўйиннинг 21-дақиқасида меҳмонлар ярим ҳимоячиси Сергей Милинкович Савич ҳисобни очган бўлса, орадан бироз вақт ўтиб "аждарлар" вакили Сардор Баҳромов узоқ масафодан зарба йўллаб ҳисобни тенглаштирди. Тайм сўнгида франциялик ҳимоячи Тео Эрнандес қаршиликлар ҳимоясини бир ўзи ёриб ўтиб, жамоасини ҳисобда олдинга олиб чиқди.

Иккинчи таймнинг 61-дақиқасида Эшмуродовнинг ажойиб узатмасидан сўнг, Жавоҳир Сидиқов Яссин Боно дарвозасини ишғол этди. Афсуски, 79-минутда Саудия клуби аъзоси Леонардо гол уриб, ўз жамоаси ғалабасини таъминлади.

Ушбу қизиқарли баҳсдан Sports.uz объективига муҳрланган фотосуръатларни томоша қилинг.