Эмери яна Франция чемпионатига қайтиши мумкин

Яқиндагида “Арсенал”дан истеъфога чиқарилган Унаи Эмери яна Франция чемпионатига қайтиши мумкин. Бу ҳақда Le10Sport нашри хабар тарқатмоқда.

Юқоридаги манбаага кўра испаниялик мутахассиснинг хизматларига “Монако” клуби жиддий қизиқиб қолган. Маълумотларга қараганда монаколиклар вакиллари аллақачон Эмери билан бу борада алоқага чиқишган.

Таъкидлаш керакки, "Монако" шунингдек "Валенсия" устози Марселино Тораль номзодини ҳам кўриб чиқмоқда.

Эслатиб ўтамиз, “Монако” раҳбарияти бош мураббий Леонарду Жардимни истеъфога чиқаришга қарор қилган. Жамоа айни дамда Франция чемпионатида 7-ўринда бормоқда.