Эмре Жан "Ливерпуль" сабаб МЮга ўтмоқчи эмас

"Ювентус" ярим ҳимоячиси Эмре Жаннинг "Манчестер Юнайтед"га трансфери амалга ошмайди.

Олдинроқ, футболчи ўйин амалиёти сабаб Турин клубидан кетиш ниятида эканлиги ҳақида хабарлар тарқалган эди.

Италян нашрларига кўра, "Ливерпул"нинг собиқ хавбеки "қизиллар"га ҳурмат юзасидан ўзига янги клуб излашда МЮ вариантини олиб ташлаган.

Эслатиб ўтамиз, Жан учун ПСЖ, "Бавария" ва "Боруссия" клублари ҳам қизиқиш билдираётган эди.