Энди бу икки ҳужумчи керак эмас

“Челси” таркибда мувозанатни ушлаб туриш мақсадида айрим ўйинчилар билан хайрлашишга қарор қилган.

Биринчи навбатда, қимматбаҳо ҳужумчи Ромелу Лукакуни бошқа клубга ўтказиш керак. Бельгиялик футболчи “Челси”га икки маротаба келган бўлса ҳам, ундан фойда чиқмаган.

Лукаку кейинги мавсумларни ижара асосида “Интер” ва “Рома”да ўтказди. Навбатдаги жамоаси “Милан” бўлиги кутиляпти.

“Челси” тарбияланувчиси Армандо Бройя ҳам янги мураббий Энцо Марескага керак эмас. Лондонликлар ёш ҳужумчини Саудия Арабистони клубларига пулламоқчи бўляпти.

Бу трансфердан клуб 20 миллион фунт миқдорида даромад ишлаб олишни мўлжаллаган.