Endi Frantsiya chempionati o‘yinlarini shveytsariyalik hakamlar boshqarishadi

Frantsiya futbol ligasi rahbariyati tajriba sifatida Liga-1 o‘yinlariga shveytsariyalik hakamlarni jalb etishni e’lon qildi.

Unga ko‘ra chempionatning navbatdagi turidan o‘rin olgan "Kan" - "Renn" jamoalari uchrashuvini Sandro Sharer boshchiligidagi hakamlar guruhi boshqarib borishadi. O‘z navbatida hamkorlik doirasida frantsiyalik referi Jerom Brisar Shveytsariya chempionatining "Bazel" hamda "Sankt-Gallen" bahsini boshqarib boradi.

Ta’kidlash lozimki, bunday hamkorlik Shveytsari futboli uchun begona emas. Boisi ular bundan avval Avstrya bilan ham huddi shunday hamkorlikni yo‘lga qo‘yishgan edi.