Endi Gavi "Barselona"da 6-raqamda o‘ynaydi

"Barselona" yarim himoyachisi Gavi klubning asosiy jamoasi a’zosi sifatida ro‘yxatga olindi.

Bu haqda futbol insayder Fabritsio Romanoning ijtimoiy tarmoqlarda ma’lumot  berdi. Jurnalistning yozishicha, Gavi La Ligada rasman ro‘yxatdan o‘tgan. Romanoning so‘zlariga ko‘ra, "Barselona" va futbolchining o‘zi premer-liga klublariga o‘tishi mumkin bo‘lgan mish-mishlarga qaramay, Gavi ro‘yxatdan o‘tishiga shubha qilmagan.

Gavining yangi shartnomasi 2026 yilning iyunigacha mo‘ljallangan, tovon puli 1 milliard evro. Yarim himoyachi 6-raqamli libosda maydonga tushadi.

Gavi o‘tgan mavsumni kataloniyaliklar va La Liga o‘rtasidagi kelishmovchiliklar tufayli "Barselona" yoshlar jamoasida futbolchi sifatida o‘tkazdi. U asosiy tarkibda 49 ta o‘yin o‘tkazib, 3 ta gol urdi va 7 ta golli uzatmani amalga oshirdi.